Fact Check| ရန်ကုန်မြို့လယ်က စနိုက်ပါ သမားပုံက ပုံအဟောင်းပါ

Old Photo in Sule Pagoda Road

ဟုတ်တယ် Vs မဟုတ်ဘူး ရဲ့ အချက်အလက်စစ်ဆေးသူတွေ ဒီတစ်ခါအသိပေးချင်တဲ့ အကြောင်းအရာကတော့ ရန်ကုန်မြို့လယ်က မိုးမျှော်တိုက်ခေါင်မိုးပေါ်မှာ နေရာယူထားတဲ့ အဝေးပစ် စနိုက်ပါသမား ဓာတ်ပုံဟာ လတ်တလောပုံ မဟုတ်ဘဲ ပုံအဟောင်းသာ ဖြစ်ပါတယ် ဆိုတဲ့ အကြောင်းပါ ။

ဘာကြောင့်ပုံအဟောင်းလို့ပြောနိုင်တာလဲဆိုရင်

  1. စနိုက်ပါသမားပုံနဲ့ဓာတ်ပုံမှာပါတဲ့ Sule Square ဘေးကအစိမ်းရောင်ကာထားတဲ့အဆောက်အအုံကို သတိထားကြည့်ပါ။ အဆိုပါအဆောက်အအုံဟာ လွန်ခဲ့တဲ့လပေါင်းများစွာကတည်းက ဆောက်လုပ် ပြီးစီးခဲ့ပြီး အစိမ်းရောင်ကာထားတာတွေဖယ်ရှားခဲ့ပြီး ဖြစ်ပါတယ်။Old Photo in Sule Pagoda Road
  2. သက်သေပြနိုင်တဲ့အခြားတစ်ချက်က လွန်ခဲ့တဲ့ ၃ လခန့်က ရိုက်ကူးထားတဲ့ Google Map street view ကပုံတွေကိုကြည့်ရင် အဆိုပါအဆောက်အအုံဟာ အစိမ်းရောင်ဖယ်ရှားထားပြီးဖြစ်ကြောင်း မြင်နိုင်ပါတယ် ။

Google Street Photo around sule on Nov 2020

 

အထက်ပါအချက်တွေကြောင့် အဆိုပါဓာတ်ပုံဟာ ပုံအဟောင်းဖြစ်ကြောင်း သက်သေပြနိုင်ပါတယ်။

အခုလိုမျိုး တပ်မတော်က နိုင်ငံတော်အာဏာသိမ်းတဲ့အပေါ်ကို ကန့်ကွက်ဆန္ဒပြနေတဲ့အချိန်မှာပဲ နည်းမျိုးစုံနဲ့ ပျံ့နှံ့လာနေတဲ့ သတင်းအမှားတွေရဲ့ အန္တရာယ်ကို အထူးသတိပြုရှောင်ရှား နိုင်ကြဖို့ ဟုတ်တယ် Vs မဟုတ်ဘူးက တိုက်တွန်းလိုက်ပါတယ်။

ဟုတ်တယ် vs မဟုတ်ဘူးရဲ့ စာဖတ်ပရိတ်သက်တွေအနေနဲ့  လူမှုကွန်ရက်စာမျက်နှာတွေပေါ်မှာ ပျံ့နှံ့နေတဲ့ သတင်းတိုင်းကို အလွယ်တကူမယုံကြည်ရန် အကြံပြုလိုပါတယ်။ သတင်းတစ်ပုဒ်ကို ဒါမှမဟုတ် အကြောင်းအရာတစ်ခုခုကို  တွေ့ရင် သတင်းမီဒီယာ လုပ်ငန်းစဉ်အတိုင်းလုပ်ဆောင်နေတဲ့ သတင်းဌာနတွေမှာ ဖော်ပြထား/မထားနဲ့ တိုက်ဆိုင်စစ် ဆေးကြဖို့ အကြံပေးလိုပါတယ်။  တိုက်ဆိုင်စစ်ဆေးဖို့ အချိန်မရှိရင်လည်း အလွယ်တကူ Share တာတွေမလုပ်ပဲ ဟုတ်တယ် vs မဟုတ်ဘူးရဲ့ Chatbot ကို သတင်းအမှား/အမှန် အရင်ဆုံး လာရောက်မေးမြန်းကြဖို့ တိုက်တွန်းလိုက်ပါတယ်။

ဝေဖန်အကြံပြုရန်

ဟုတ်တယ် Vs မဟုတ်ဘူးမှ စိစစ်ထားသော မည်သည့်သတင်းကိုမဆို ဝေဖန်အကြံပြုလိုပါက အောက်ပါ Form တွင် ဖြည့်စွက်ပြီး ဝေဖန် အကြံပြုနိုင်ပါသည်။ https://www.realornotmm.info/complaint-form/