Fact Check| ၂၀၁၇ခုနှစ်ကဖြစ်ပွားခဲ့တဲ့ဓာတ်ပုံအဟောင်းကိုအသုံးပြုပြီးလိုရာဆွဲရေးသားဝါဒဖြန့်နေသည့်ပို့စ်

ICJ ကိစ္စကိုအများကအာရုံစိုက်နေတဲ့အချိန်နဲ့ အချိန်ကိုက်ထွက်ပေါ်လာတဲ့ ၂၀၁၇ခုနှစ်တုန်းကဖြစ်ပွားခဲ့ တဲ့ ဓာတ်ပုံအဟောင်းတွေကိုအသုံးပြုပြီး လိုရာဆွဲရေးသားဝါဒဖြန့်တာတွေ ဒီနေ့ ဒီဇင်ဘာ ၁၁ရက်မှာ ဖေ့ဘွတ်ခ် စာမျက်နှာတွေပေါ်မှာပျံ့နံ့နေပါတယ်။ ပျံ့နှံ့နေတဲ့ပို့စ်မှာတော့

“ICJကိုသွားရင်အိမ်တွေကိုမီးရိူ့ဖျက်စည်းတာဘယ်သူတွေဆိုတာတော့အသိသက်သေအဖြစ် ကမ္ဘာကသိအောင်fbမိတ့်ဆွေများSHAREပေးခြင်းဖြင့်တစ်ဖက်တစ်လှမ်းမှနေပြီး ဝိုင်းဝန်းကူညီကြပါအမျိုးတို့”  ဆိုပြီး ရေးသားထားဖြစ်ပါတယ်။ 

အခုလိုမျိုး ICJ ကိစ္စဖြစ်ပေါ်နေစဉ်မှာပဲ စိတ်ခံစားမှုတွေအပေါ်အသုံးချပြီး လိုရာဆွဲရေးသားဝါဒဖြန့်မှုတွေရှိနေနိင်တဲ့အတွက် သတိပြုမိဖို့ Real or Not က တိုက်တွန်းလိုက်ပါတယ်။ 

ပျံ့နှံ့နေတဲ့ ပုံကတော့ ၂၀၁၇ခုနှစ် အတွင်းက မောင်တောမြို့မှာဖြစ်ပေါ်ခဲ့တဲ့ ရိုဟင်ဂျာတွေက မိမိအိမ် မိမိ မီးရှိူ့နေတယ်ဆိုပြီးတော့ လုပ်ကြံရိုက်ကူးထားတဲ့ ပုံသာဖြစ်ပါတယ်။ ဒါပေမယ့်  အဲ့ဒီမီးရှို့နေတဲ့ပုံက ဇာတ်လမ်းဆင်လုပ်ကြံဖန်တီးထား တယ်ဆိုတာကို ပေါ်ပေါက်ခဲ့ပြီးတဲ့နောက်မှာ တော့ နိုင်ငံတော်သမ္မတရုံး ပြောရေးဆိုခွင့်ရှိသူ ဦးဇော်ဌေးက မီးရှို့မှုမှာ ပါဝင်တဲ့သူတွေကို စုံစမ်းဖော်ထုတ်သွားမယ်လို့ သူ့ရဲ့ ဖေ့ဘွတ်ခ်စာမျက်နှာမှာရေးသားခဲ့ဖူးပါတယ်။ ဒီအောက်ကလင့်ခ်မှာဖတ်ရှုနိုင်ပါတယ်။ https://www.facebook.com/photo.php?fbid=1435834053180345

 အဲ့ဒီအကြောင်းအရာနဲ့ပတ်သက်ပြီး သတင်းဌာနအချို့ကရေးသားထားတဲ့သတင်းတွေကို လည်း အောက်ကလင့်ခ်တွေမှာ သွားရောက်ဖတ်ရှုနိုင်ပါတယ်။ 

(၁) ဧရာဝတီသတင်းဌာနရဲ့ သတင်းဖော်ပြမှု

https://www.irrawaddy.com/news/burma/govt-investigates-controversial-arson-photos.html?fbclid=IwAR27871McK-mi8E7H8acqLPmChwmBDSuWTaXLathBQmbrz_ORNwuWX40wHw 

(၂) ဘန်ကောက်ပို့စ်သတင်းဌာနရဲ့သတင်းဖော်ပြမှု

https://www.bangkokpost.com/world/1322895/proof-of-rohingya-set-fires-in-myanmar-fails-inspection?fbclid=IwAR3IGwEju0vMCv_TpAGubpvRID3E-GHf4BUpjsxPM6YUfogKJKfkrIkpj4c 

(၃) ဗီအိုအေသတင်းဌာနရဲ့သတင်းဖော်ပြမှု

https://burmese.voanews.com/a/rakhine-situation-firing-the-houses-photo-on-social-media-/4019062.html 

(၄) Eleven Media Group ရဲ့ သတင်းဖော်ပြမှု

https://news-eleven.com/headline/9851 

Social Media ပေါ်က သတင်းတွေက အမှားတွေများနိုင်တာမို့လို့ ထိလွယ်ရှလွယ် တဲ့ သတင်းတစ်ခုကို မြင်တွေ့လိုက်တယ်ဆိုရင် သတင်းမီဒီယာလုပ်ငန်းစဉ်အတိုင်းဖော်ပြတဲ့သတင်းဌာနတွေ၊အစိုးရနဲ့ ရဲတပ်ဖွဲ့ရဲ့ တရားဝင်ထုတ်ပြန်ချက်တွေမှာ ဖော်ပြထားတာတွေနဲ့ တိုက်ဆိုင်စစ်ဆေးကြဖို့လိုပါတယ်။ တကယ်လို့ တိုက်ဆိုင်စစ်ဆေးဖို့ အချိန်မရဘူးဆိုရင်လည်း လွယ်လွယ်ကူကူ Share တာတွေမပြုလုပ်ပဲ Real or Not ရဲ့ Chat Bot ကို လာရောက်ပြီး သတင်းအမှား၊အမှန်အရင်ဆုံးလာရောက်မေးမြန်းစေချင်ပါတယ်။